Citer rekaan

Menomui omak ngan abah yg sey kasihi dan sayang bona.Apo kaba?sey kek sinia sehat2 jo.maapla lamo sey tak anta sughat kek omak ngan abah.sey ni terlampau bizi bebona ngan kojo baghu sey ni ha.macam-macam bondo sey nak kono pikir an.
Omak ngan abah,
Sey ni dh tak tau nak ckp cmno laie ni.ado budak kek cni binga na.Sey suh len, len lak yg dio buek.banyak kali dh sey pantak an kek telingo eh tu..cmtu yo dia.langsung taknk beghubah.Sey lak balik yang beghubah jd singo.Sey tak nk doh jd menatang tu.

Omak dan abah,
Kwasan yg sey duk ni ok la.oghang2 koliling pon baik2.beghuntung r sey duk cni.cumo eh, sey sunyi na.lom ado kwan.Caghik an la jdoh sey ni cecopek.Biar ado yang jago mkn minam sey ni ha.Mkn sey kek sinia tak tontu.tak mcm kek umah.omak ado.sinia sey kono kuar an duit sendighi.kadang-kadang timbul lak ghaso kedokut dlm dighi ni ha.sey lobih relo mkn megi jo.Sey tau, t dh tuo copek la mengogheh eh ghambut sey ni.Nak buek cmno kan.Sey redho jo.Mano tau min comey lak sey t.

Omak, abah,
Ado ko cito2 menaghik kek kg tu ha?abah dh dapek bonus felda an?hulur r kek sey ni ha ckit.sey baghu jo mulo kojo,gaji pon sey tak dapek laie ni.Adik cmno?dogey laie ko dio?piuh an jo telingo eh tu kalau dio tak nk donga ckp.biar putuih telingo eh tu pon tak po doh.kok pemaleh, di bosit botih eh tu.Omak kan terer mencubit.Apo laie,piuh kek poho eh tu.Sey dlu dh ghaso.Skung bg lak adik ghaso.Biar dio blaja ckit.

Omak, Abah,
biarpon sey ni duduk luar nogoghi sombilan, sey tak lupo asal usul sey.cmnia la sey daghi dlu smpai la skaghang.Tak tau la pulak kan if sey balik nanti omak abah dh tak kona sey.maklumla, sey dh bertambah ensem.

Omak, abah,
Sey ponek la.Sey nak membuto jap.nanti sey tulih lagi sughat buek omak ngan abah.sebulan sekali cukup la agak eh,kan...?

Sekian yolah.Jago dighi elok2.
Slam sayang daghi anakmu.......SAZALI

p/s : citer ini hanyalah rekaan semata-mata.tak der kaitan dgn yg idup atau yg telah meninggal dunia.